Inaugurazioan, De la Mazak ongi etorria eman dio Leioara heldu berria den enpresari eta Leioa hazten ari dela, "modan dago", azpimarratu du. Mallak bere aldetik, gogoratu du ALD Automotiverentzat egun seinalatua izan dela gaurkoa, Leioako irekieraz gain, Espainiako Estatuan 13. urteurrena eta Hego Euskal Herrian 6. urteurrena bete dituelako enpresak. Horretaz aparte, "Bilboko bulegoa txiki gelditu" zitzaienean Leioara etortzea zergatik otu zitzaien azaldu du: "hiri gaztea eta ondo komunikatua da, eta garrantzi handia eman genion metro ondoan egoteari. Gainera, industrialdeak konfidantza irudia ematen zuen".
Euskararen erabilpena
Bestalde, euskararen erabilpenerako "plangintza jakinik ez" badute ere, ALD Automotivek eta Second Drivek Aitorren hizkuntza, "gaztelaniarekin batera", kontuan izango dutela eta Leioan arituko diren bi langileetatik bat euskalduna dela jakinarazi dio UKBERRIri Juan Valderrama Bilboko bulegoko zuzendariak. Errotulazio guztia erdara hutsean zergatik dagoen galdetuta, "konturatu ere ez gara egin" erantzun du Valderramak eta "lanak egin dituen elektrikari"-ri leporatu dio horren erantzuna.
ALD Automotivek Leioan irekitako bulegoaren bidez bere kontratazio kopurua biderkatzea espero du, 2005ean 1.000 bat akordio sinatuko dituelakoan. 2004an, 500 autoen bidez 175 bezeroen beharrei zerbitzua eman zien ALD Automotivek.
Auto ia berrien kontsesionario bat inauguratu du goizean Leioako alkateak
2005ko api. 27a, 20:08
Karmelo Sainz de la Maza Leioako alkateak parte hartu du gaur goizean ALD Automotive ibilgailu enpresak Ibarrabarri industrialdean zabaldu duen Second Drive kontsesionarioaren inaugurazioan. Ekitaldian, besteak beste, Pedro Malla de las Heras ALD Automotiveko zuzendari nagusia eta Juan Valderrama enpresak Bilbon duen bulegoko zuzendariak parte hartu dute. ALD Automotive Societé Generale taldearen kidea da, Ipar Euskal Herriko euskalgintzak hainbat bider euskara baztertzeagatik salatutako enpresa taldea, alegia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun