Lehenengo aldiz, zuzeneko irratsaio bat egin zen Zueratik, propio Radio Hawai izeneko irratia antolatu baitzuen lagun talde batek. Izen hori Torreroko espetxean presoek 1980ko hamarkadan zeukaten irratitik dator.
Gaiaren inguruko berriak:
Zuerako espetxearen kontrako martxa egingo da apirilaren 24an (2005 Api 16)
Pasa den igandean Zuerako espetxera egindako martxan 350 bat pertsonak parte hartu zuen, Radio Topo irratia eta Pititako Informatzen buletin digitalak jakinarazi dutenez. Burututakoa IV. martxa izan da eta aurten "Kartzela eguneroko erahilketa da" zen leloa, orain arte Zueran hildako 13 presoak gogoan. Euskal Herriatik autobus bat abiatu zen Zuerara, bertan bost orduko jaialdian eta protestaldian parte hartzeko. Guardia Zibilaren presentzia handia izan arren, ez zen arazorik egon antolatutako ekitaldi guztiak espetxearen aurrean burutzeko. Uribe Kostako 36 EPPKko presoetatik 4 daude Zuerako espetxean: Iñaki Bilbao urduliztarra, Olga Sanz eta Txabi Moreno sopeloztarrak eta Martin Etxegarai berangoztarra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun