Sopelan izango du lehendabiziko helmuga Euskal Bizikletak

Erabiltzailearen aurpegia
Euskal Bizikletako antolatzaileek gaur eman dute jakitera aurtengo edizioko ibilbidea. Eibarren hasiko da lasterketa ekainaren 1ean lau egun beranduago, hau da, hilaren 5ean Arraten bukatzeko. 750,9 kilometrotakoa izango da ibilbide osoa, iaz baina 50 gehiago. Beti bezala, bost etapa edukiko ditu. Horietatik hiruk Bizkaian izango dute bukaera, bik Gipuzkoan eta beste batek Araban (kontuan hartuta 4. etapa bi sektoretan banatuko dela). Hain zuzen ere, lehenengoak Sopelan izango du helmuga. Hortaz, bigarrena Uribe Kostako udalerritik abiatuko da.
Eibarretik abiatuko dira txirrindulariak ekainaren 1ean eta Sopelara arte iritsiko dira; hurrengo egunean, Sopela bertatik irten eta Tolosara joango dira; hirugarren etapak Arabako errepideak zeharkatuko ditu eta Oroko Ama Birjinaren Santutegiko gainan bukatuko da.

Laugarren etapa larunbatean izango da eta bi sektoreko ohiko jardunaldia izango da. Lehen sektoreak, linean, Murgia-Zuiatik abiatuko da, eta bigarrena, erlojuz kontrakoa, Elorrion hasiko da, iaz bezela, Abadiñon bukatzeko. Azken egunean Abadiñotik bertatik irten eta Arrateko igoera (Eibar) gainditu beharko dute.

Etapak:

1. Eibar - Sopela; 2. Sopela - Tolosa; 3. Tolosa - Oroko Santutegia; 4. Murgia-Zuia - Abadiño (linean), eta Elorrio - Abadiño-Matiena (erlojupean); 5. Abadiño - Arrate.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun