Autofinantziazioak (txosnak, kontzertuak eta jaiak) orain arte ekonomikoki aurrera egiteko balio izan digu, baina nolabaiteko irrati kapaza bat nahi badugu eskualdean, ez dugu inolaz ere nahikoa izango.
Gu koskakideak... zu ere bai!
Horregatik zuoi, edozein modutan Koska bizitzen dozuenoi, laguntzeko deia zabaltzen dizuegu:
Apirilaren 29tik aurrera koskakide kanpaina burutuko dugu, 600 koskakide egitea helburu markatu dugularik, kuota 12 eurokoa izango litzateke (urtean). Laguntza txiki horrekin, proiektu pottoloagoak egitera lagunduko gaituzue; hots, goizeroko irratsaio bat...
Koskakide kanpainia burutzeko eskualdeko eragile ezberdinen laguntza izan arren, edozein pertsonari koskakide egiteko deia luzatzen diogu, beharrezkoa dugulako irrati euskaldun hobeagoa, gaur egun dugun sistema kapitalista-indibidualista hutsari komunikabide herritarraren garapenarekin aurre egiteko, sasikomunikabide arruntek botatzen duten gezurren aurrean kontrainformazioa parez pare ipintzeko...
Beraz, koska-kide gura badozu izan, jarri zaitez gurekin kontaktuan e-posta honen bitartez: koskairratia@koskairratia.com
Hamaika gauza aldatzeko edota sortzeko izango da zure aportazioa!
Horren harira, ostirala 29an kontzertuak izango dira Itzubaltzeta gaztetxean, 19:30tatik aurrera. Parte hartuko duten taldeak, White Cofee (metal, Algorta), DJ L&L (hip-hop/reggae, Berango), eta berarekin batera, Txango (Reggae, Algorta) eta Hechicero (hip-hop/ Reggae, Algorta) abestuko dute. Eta azkenik, Bad Sound System (hip-hop/ragaa, Irun).
Bost urte iragan dira Koska irratia sortu zen egunetik. Lan mordoaren ondorioz, Uribe Kosta osora zabaldu den irratia gara, irrati herritarra, alegia; euskara bultzatzeko apostu nabarmena eginez, irrati partehartzailea bultzatuz, ahotsa ukatu izan diotenei hitza emanez... Eskualdeko komunikabide autogestionatua lortu dugu! Posible izateko bidean, ahalegin nabarmenak egiteaz gain, oztopoak ugariak izan dira ere, “baldintza ekonomikoak” nagusi. Edozein egoerari aurre egiteko prest gaude: antena bat, estudioak berritzea... irratsaio anitzek lanerako tresna egokiak izatea benetan merezi dutelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun