Caroline Lawrence Ingalaterran jaio zen, gurasoak estatubatuarrak zirela. Kalifornian hazi zen eta gaur egun Londresen bizi da. Ikasketa klasikoak burutu ditu eta "Erromako misterioak" haur eta gazteentzako eleberri bildumaren egilea da. Orain arte hamar liburu idatzi ditu.
Hitzaldietan ohikoa duenez, Lawrencek janzkera erromatarra eramango du Berangoko eskola estatubatuarrera egingo duen bisitaldian. Antzinako Erromaren misterioak eta idazteko erabakia zergatik hartu zuen azaldu ostean egingo ditu tailerrak ikasleak adin taldetan sailkatuta. "Star Wars", "Matrix" edo "James Bond" bezalako filmetan Greziako mitologiak duen eragina, bere eleberriak sortzeko dokumentazioa non aurkitzen duen, liburuen azalak zelan ekoizten diren edo eleberri baten lehenengo lerroko testua zelan erabaki azalduko du, besteak beste, Kaliforniako idazleak.
Caroline Lawrence, bere eleberrien bidez gazteen artean Erromako inperioaren historia zabaldu duen idazle estatubatuarra, Berangoko American School of Bilbao ikastetxean izango da ostegun honetan eskolak maiatzaren 13ra arte burutuko duen Arte Festibalaren barnean. ASBko ikasleei eskainiko dizkien hitzaldi eta tailerretan inperioaren garaiko Erromaren misterioak eta Greziako mitologiak gaur egungo zineman duen eragina izango ditu berbagai idazle kaliforniarrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun