Azokara bertaratuko direnek euskal nekazaritzaren isla diren hogeita hamabost erakusmahai ikusteko aukera izango dute guztira. Izan ere, eskulangileek, euren artisautza produkturik landuenak eramango dituzte Pinuetara, antolatzaileek adierazi dutenez. Besteak beste, ogia eta euskal pastela, zezina, eztia, patea, gazta, barazkiak, txakolina eta sagardoa dastatu eta erosi ahal izango dira.
Duela bi urtetik hona, Cervantes plazan egoten diren erakusmahaietan animalia exotikoen erakusketa ere jarri ohi da. Azokara hurbilduko diren guztiek gure artean ikusterik ez daugun animaliak izango dituzte, esaterako, ahuntzak, mofetak, kanguruak... azoka girotuko dutenak, zalantzarik gabe.
Igandean ospatuko da Pinuetako VII. Nekazaritza Azoka
2005ko mai. 4a, 22:19
Pinuetako VII. Nekazaritza Azoka maiatzaren 8an egingo da, goizez, bertoko Cervantes plazan. Azoka-barrutia 9:00etatik 14:00etara bitartean egongo da irekita eta, bertan, nekazaritza eta abeltzaintzako produktuak erakutsi eta salduko dira, baita horien deribatu guztiak ere. Animalia exotikoen erakusketa izango da, hain zuzen ere, azokara joateko erakargarrietako bat. Pinuetako zazpigarren Nekazaritza Azokan, gainera, gure herrietan galtzear dauden tradiziozko ogibideak ere erakutsiko dira: animaliak ferratzea, forjaketa eta ardiei ilea moztea, hurrenez hurren. Goizean zehar beste lanbide tradizional batzuk ere ikusi ahal izango dira seguruenik, esaterako, uztarriak egitea, saskigintza, artilea irutea, ezpel-zurgintza, eta abar.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun