"Errenta aitorpena euskaraz egitea, nork bere buruarekin hartu duen konpromisoarekin bat etortzeaz gain, administrazioari herriaren nahia jakinarazteko bide bat ere bada", esan du Xabier Mendigurenek. "Erakundeek eta banketxeek herritarrok administrazio-izapideak euskaraz egin nahi ditugula adierazteko modu bat da".
Errenta aitorpenaren kanpaina hasita, Kontseiluak norbanakoek eta instituzioek euskara erabiltzeko deia zabaltzeko unea aprobetxatu nahi du. "Instituzioek euskaraz egitea bultzatu eta horretarako bidea erraztu behar dute", animatu ditu Iñaki Lasak.
Instituzioen konpromisoa ere bermatu nahian, Ildo Politikoko arduradunak Euskal Autonomi Erkidegoko eta Nafarroako udalen, Foru Aldundien eta Administrazioaren laguntza ezinbestekoa dela gogorarazi du. "Euskaraz egiteko aukera eskaini ez ezik, zerbitzu osoa eman behar dute hizkuntza horretan".
Izan ere, administrazioak errenta aitorpena euskaraz egiteko aukerarik eman ezean, hizkuntza-eskubideen berri emateko tresna gisa Hizkuntz Eskubideen Behatokiko 'euskararen telefonoa', dagoela azaldu dute Kontseiluko arduradunek. Hau da 'euskararen telefonoaren' zenbakia: 902 194 332. "Benetan gustatuko litzaiguke inork telefono hori erabili beharrik ez izatea", esan du bukatzeko Xabier Mendigurenek.
Konpromisoaren bidean, Kontseiluak errenta aitorpena euskaraz egitea proposatu du. "Euskararen normalizazioa lortzeko ezinbestekoa da hizkuntza erabiltzeko une guztiak baliatzea", adierazi du Kontseiluko Idazkari Nagusiak, Xabier Mendigurenek. Norbanakoen konpromisoen zerrendan 'administrazio publikoaren aurrean euskara erabiliko dut' konpromisoa aipatzen da. "Kontseiluak pixkanaka norbanakoei euskararekiko konpromiso zerrenda betearazi nahi diegu", azaldu du Iñaki Lasak, Kontseiluko Ildo Politiko-Instituzionaleko arduradunak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun