Halaber, 274 toki izango dituen bi solairuetako lurpeko aparkalekua egingo da. “Inguru horretako aparkatzeko eskaintza handituko da, guztira 1.100 plaza baino gehiagorekin”, Iñaki Zarraoa alkateak azaldutakoaren arabera. Etxebizitza bakoitzari aparkatzeko leku bat eta aurreikusitako 101tetik trasteleku bat dagokio. Gainontzeko guztiak inguru horretan bizi eta interesa duen ororentzat salmentan jarriko da lurrazal-eskubidea.
Udalerrian ezaugarri horiekin egiten ari diren eraikin guztiak bezala, etxebizitza hauek guztiak udalerrian erroldatuta daudenei zuzenduta daude eta 50 urtez emango zaie lurrazal-eskubidea. Etxebizitza hauek emateko zozketa 2005ean zehar egitea espero du Zarraoak.
Hilabete barru hasiko dira eraikitzen Santa Anako babes ofizialeko 72 etxebizitzak
Santa Ana auzoan babes ofizialeko 72 etxebizitza eta bertokoentzako lurpeko aparkalekua eraikitzeko lanetarako baimena eman du Getxoko Udalak. Obrak hilabete barru hastea eta 2006 urtearen amaierarako bukatuta egotea espero duto tokiko agintariek. Bi eraikin egingo dira eta, haien artean, plaza bat egongo da. Eraikin bakoitzak hiru atari eta 36 etxebizitza izango ditu. Pisu guztiek bi gela izango dituzte eta euren azalera erabilgarria 62 eta 92 metro kuadro bitartekoa izango da. Hiru etxebizitza, beheko solairutan kokatuta egongo direnak, elbarrituentzat izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun