"Yo me bajo en la próxima...¿Y usted?" antzeztuko du larunbatean Pedro Osinagak
Maiatzaren 7an, hau da, larunbat honetan, "Yo me bajo en la próxima...¿Y usted?" lana antzeztuko dute Algortako Getxo Antzokian, Pedro Osinaga aktore ezaguna eta África Gozalbes protagonista direla. Antzezlan horrek dibortziatzeko zorian dagoen bikote baten kezkak eta bizipenak kontatzen ditu. Egoera honi aurrera egiteko, protagonistek beren bizitzako pasadizorik maiteenak eta komikoenak gogoratuko dituzte. Saioa 20:00etan izango da eta sarreren prezioa 12 eurokoa da (9 euro erretiratuentzat edo Gazte Txartela aurkeztuz).
Adolfo Marsillach antzerkigilearen lanik ospetsuena da "Yo me bajo en la próxima...¿Y usted?". Valentziako Teatro Principalean 1979 urtean antzeztu zenetik, komedia hau 25 urte izan da eszenatokietan etengabe. Oraingo muntaiak 1995 urtean jatorrizko bertsioan oinarritutako moldaketa hartzen du ardatz nagusia. Azken bertsio hau Mercedes Lezcano Marsillachen alargunaren babesa du. Bere uste,z antzezlanak pertsonaiak gaur egungo garaietara moldatu baino ez du egin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun