Leoako Udala Pop Rock Lehiaketaren bostgarren edizioko finaletan bi ordezkari izango ditu Uribe Kosta eskualdeak. Izan ere, Metal atalean, Getxo udalerriko
Beforce (argazkian) eta Leioako
Konter taldeak arituko dira nor baino nor Terrassako Nunnery Nutty-rekin batera. Pop Rock atalean, ordea, horrenbesteko zorterik ez da egon, eta kanpotarrak dira lehenengo saria jokatuko dutenak;
Kepay (Guadalajara),
The Midnight Travellers (Bartzelona) eta
Denit (Bartzelona), hain zuzen ere. Antolakuntzako iturriek gaur jakinarazi dutenez, finalak maiatzaren 13an eta 14an izango dira, Leioako Kandelazubieta kiroldegian, 21:00etatik aurrera; 13an Metal saileko finala izango da, eta hurrengo egunean Pop Rock atalekoa.
Bestalde, epaimahaiak erabaki du euskarazko abestirik onena
Nuuk-at talde zornotzarraren "Ustel" izan dela. Gainera, gogoratu dute finaletara doazen ikusle guztien artean landetxe batean bi pertsonentzako asteburu bat (gosaria barne) zozketatuko dela.
Gaiaren inguruko berriak:
Leioako Udala Pop Rock Lehiaketan lanak aurkezteko epea zabalik dago (2005 Mar 23)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun