'Zazpi gezur txiki' antzeztuko dute gaur Getxo Antzokian

Ramon Agirreren eta Joserra Senperenaren eskutik, antzerkia eta musika uztartzen dituen ikuskizuna da "Zazpi gezur txiki". Bertan, ironia erabiliz, gezurraren apologia egiten da. Horretarako zenbait pertsonaia bitxiren pasadizoak kontatu eta kantatzen dira. Hala nola, rutinak itotako saltzailea, neska sexuadiktoa, telebistan eguraldia iragartzen duen aurkezlea, "pijo" markazale amorratua etab... Hori da "Zazpi gezur txiki". Ikuskizun zirikatzailea, lotsagabea, inpertinentea, baina "letxe txarrik" gabekoa. Emanaldia Algortako Getxo Antzokian izango da, 20:00etatik aurrera. Sarrerak 8,50 eurotan daude (6,50 erretiratuentzat eta Gazte Txartela aurkeztuz).