Goiz osoan zehar ibaian gora ibiliko gara, Gobela eta Kandelu ibai arroen defentsaren aldetik interesgarriak diren guneetan geldituz. Itzubaltzeta / Erromon bertan etxe berriak eraikitzeko ibaia errespetatua izan dadin Ibaigane kaleko auzokideak eramaten ari diren borroka, Algortako Fadura kiroldegiko instalazioek ibaiari eta padurei ekarri dizkieten kalteak, Zubilletan 70eko hamarkadan Gobela ibaiaren arroaren gainean etxeak eraiki izana, Errotatxu eta bere ingurua, azken egun hauetan bertan Uribe-Kostako korredorearen 3. zatiaren lanek Kandelu errekari eragin dizkioten kalte izugarriak eta Getxon hirigintza plangintzen ondorioz Kandelu errekak bizi duen begien bistatik desagertzeko mehatxu larria aztergai izango ditugu.
Getxo Bizia
Igandean, Gobela eta Kandelu Oinez
2005ko mai. 13a, 14:47
Azken urteotan botere ekonomikoek eta instituzioek darabilten neurririk gabeko urbanizatze politikak (HAPO, LPP) eragin ukaezinak ditu Getxo udalerrian eta Uribe Kostan. Erreka eta ibai arroak itxuraldatuak, desbideratuak edota guztiz estaliak izaten dira maiz. Gure ibaiak pausuz pausu ezagutu eta hobeto defendatzeko, Getxo Bizia herri plataformak hiru ordu t'erdiko osteratxoa antolatu du: Gobela eta Kandelu Oinez (Irudian, iazko irteeraren argazkia). Maiatzaren 15ean, domekan, Itzubaltzeta / Erromoko Xake plazatik irtengo gara 9:30etan. Mimenaga inguruan eta, hain zuzen ere, Villaverde baserriaren parean bigarren deialdia egin dugu 11:15ean goizetik abiatu ezin dutenentzat. Kandelu errekan gora eginez iturbururaino helduko gara eta handik Getxoko probalekuraino helduko gara eguerdiko ordubatetan. Bertan jai giroaz gozatzeko aukera izango dugu.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun