Moskuko “Galina Vusgnevskaya” Antzerki Eskolako umeek euren lana antzeztuko dute Algortako Getxo Antzokian, maiatzaren 15an. Eskainiko duten operan, Prokofiev, Bizet edo Verdi bezalako maisuek konposatutako obren zatiak interpretatuko dituzte. “Galina Vishnevskaya” eskolak nazioarteko hainbat sari jaso du, eta 1997. urtean UNESCOren kide izatera pasa zen. Bere antzerkiak eta baletak hainbat biretan hartu dute parte, Errusian eta atzerrian. Zentro honetan, aktore, abeslari eta musikari gazteek musikako eta antzerkiko ikasketak heziketa orokorreko programa batekin bateratzen dituzte. Irakaskuntza artistikoa lau ildotan ematen da: opera, koreografia, musika instrumentala eta antzerki dekorazioa. Egun, Errusiako gazte-operako antzerki eskola bakarra da. Haur opera 18:00etan hasiko da. Sarrerak, dagoeneko salgai daude, eta 6 euro balio dute helduentzat eta 3 euro, 14 urte arteko umeentzat.
Eskolaren errepertorioa oso zabala da eta bertan, denetik hartzen du barne: Errusiako lehen opera Catalina IIaren libretoarekin, Vicente Martín y Soler valentziarraren musika, nazioarteko egile ospetsuren obra klasikoak, besteak beste: Tchaikovsky, Borodin, Mozart eta Verdi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun