Aldiz, analisi horren emaitzak ezin direla aintzat hartu esan du Auzitegi Gorenak, epaileak aurrez aurre parte hartu behar duelako frogak jasotzeko lanetan. Hori horrela ez egiteko arrazoi bakarra laginak jasotzeko premia handia izatea da eta kasu honetan ez zen horrela gertatu. Gainera, epaiaren arabera, Poliziaren txostenean "ez da jasotzen froga hori jaso zelako aipamenik".
Hori aintzat hartuz, Auzitegi Gorenak auzipetuaren ustezko errugabetasuna urratu dutela ebatzi du; beraz, absolbitu egin du ez delako frogatu autobusaren aurkako erasoan parte hartu zuenik.
Beste kasuak
Berangoko autobusaren zigorra kenduta, beste bi epai ditu kontran Orkatz Gallastegik. Alde batetik, ADNren frogan oinarrituta, 2002ko martxoaren 15ean Algortako La Caixaren kutxazain baten erreketan parte hartu zuelakoan sei urte ezarri zizkiona. Beste aldetik, 2002ko maiatzean Correosen bulego bat erretzea leporatuta, 9 urteko zigorra jarri ziona. Bestalde, Auzitegi Nazionalak beste sumario batean ere sartu zuen Gallastegi. Jose Maria Lidon epailearen hilketarako ETAri informazioa ematea egozten diote.
Orkatz Gallastegi absolbitu egin du Auzitegi Gorenak Berangoko autobusaren kasuan
Orkatz Gallastegiri zortzi urteko zigorra ezarri zioten pasa den apirilean, 2001. urtean Berangon autobus bat erre zuelakoan. Espainiako Auzitegi Gorenak iragan den ostegunean kale-borrokagatik zigortutako gazteari ezarritako epaia baliorik gabe utzi zuen, akusazioaren froga nagusia, ADNrena, kontrol judizialik gabe egin zelako. Auzitegi Gorenaren epaiaren arabera, Gallastegi atxilotu zutenean, polizia batek "akusatuaren listuaren aztarna biologikoak jaso zituen". Lagina autobusa erre zuten lekuan jasotako beste batekin bat zetorren, ADN analisiaren arabera. "Hori izan zen gaztearen aurkako froga nagusia" dio Auzitegiak. Gallastegi ez da kalera irtengo 9 eta 6 urteko zigorrak ezarrita dituelako beste bi kasuengatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun