Aurten EHUk segurtasunean hiru milioi euro gastatuko dituela salatu du Gaztesareak

Gaztesarea.net webguneak astero argitaratzen duen "Ostiralekoa" txostenean "3 3 milioi €: Segurtasuna ala errepresioa?" erreportajea kaleratu du. Bertan, EHUk 2005erako Ombuds enpresarekin 3.145.170 euroko kontratua duela jakinarazi du gazte komunikabideak. Gaztesareak kaleratutako datu eta ausnarketen arabera, Ombudsek erreleboa hartu dio Prosetenicsari "unibertsitateko disidenteak erreprimitu eta kontrolpean mantentzeko" lanetan. Bestalde, Gaztesareak EHUk "segurtasun enpresekin euskararen sustapenean baino bost aldiz gehiago xahutzen" duela azpimarratzen du. Bestelako zenbakiak ere eman ditu gazte komunikabideak: hurrenez hurren, garraioari 200.000 bat euro; euskararen sustapenari 674.500 euro; kultura sustatzeari 918.211 euro; kirolari, 1.323.944 euro; ikasleen antolakuntza, informazio eta ordezkaritzari, 858.789 euro. Argazkian (Gaztesarea.net), bideo kamera bat Gizarte eta Komunikazio Zientzien fakultatean.