Shohei Imamura zuzendari japoniarraren "Agua tibia bajo un puente rojo" filma eskainiko dute bihar Bilboko Industria Ingenieritza Eskolan
Asteazken honetan, 19:30etik aurrera, "Agua tibia bajo un puente rojo" filma egongo da ikusgai EHUko Bilboko Industria Ingenieritza Teknikorako Unibertsitate Eskolan (Etxetxua plaza 3). Shohei Imamura zuzendari japoniarrak egin zuen filma. Imamurak bi aldiz irabazi zuen Cannesen urrezko palma, "La balada de Narayama" eta "La anguila" pelikulengatik. "Agua tibia bajo un puente rojo" filmaren aktoreek zuzendariarekin lan egin zuten "La anguila" pelikulan: Koji Yakusho (izen honen itzulpena "bulego publikoa" da, Tokion funtzionaria izan baitzen aktore baino lehen), Mitsuko Baisho eta Misa Shimizu. Sarrera dohainik da.
Filmari dagokionez, Yosuke Sasano berrogei urte inguruko gizona da. Langabezian dago eta andreak utzi berri du. Halako batean eskale zahar batek diotso Kiotoko tenplo batean urrezko buda bat ostu zuela, eta ezkutatuta daukala urruneko etxe batean, zubi gorri baten alboan. Hori entzunda, Yosukek bidaiari ekingo dio buda hori aurkitzeko. Lekura heltzen denean Yosukek ez du buda aurkitzen, baina bai emakume bitxi bat, etxe horretan bizi dena. Emakumeak ahalmena dauka loreak sasoiz kanpo loratzeko, eta bere gorputzari, iturburu bati bezala, bizitasun ura dario.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun