Arte plastikoen esparruko energia sortzaileak eta azken urteotan dinamismo berezia erakutsi duen arlo ekonomikoa "modu originalean" lotzeko asmoz, hitzarmena sinatu dute gaur goizean Juan Ignacio Perez Euskal Herriko Unibertsitateko (EHU) errektoreak (argazkian, erdian) eta Santos Chacartegui Bizkaiko Moda enpresa elkarteko presidenteak (eskuinean). Bi erakundeen arteko lankidetzaren bidez, alde batetik, euren trebakuntza praktikoa handiagotzeko aukera izango dute Arte Ederren Fakultateko (Agustín Ramos dekanoa ezkerrean) ikasleek eta, bestetik, unibertsitatea eta inguruko ehungintza-sektoreko enpresen errealitatearekin zuzen-zuzeneko harremana ezarri nahi da, sormenaren arloan diren azken joerak ezagutu eta elkartrukatuz. Bestalde, ahalik eta mailarik handienean, ikasleak Bizkaiko Modaren bazkide diren enpresetan hartzea da helburua, horiek erarik egokienean laneratzeko egin beharreko praktikak sustatuz eta areagotuz. Horretarako, lan-gune bakoitzak egoki zaizkion akordioak sustatuko ditu.
Hain zuzen ere, EHUren Arte Ederren Fakultatearen eta Bizkaiko Moda elkartearen arteko lankidetza-mailarik altuena bultzatzea da hitzarmenaren helburua. Lankidetza horren emaitzen artean, modaren gairen bati buruzko master edo gradu-ondoko bat antolatzea ere badago, sektorearen ekoizpen eta lan-errealitateak berak sortutako premietara erantzun ahal izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun