Arrain hiruarantza antzina askoz hedatuta bazegoen ere, ibai eta erreken kutsadura, hondamena eta hiri-kanalizazioaren eraginez, Bizkaian gaur egun hiru lekutan baino ezin da topatu: Uribe Kostako Gobela eta Udondo ibaietan eta Barakaldoko Castaños ibaian. Arrain mota honen izena bere burua babesteko erabiltzen dituen hiru arantzetatik dator. Arraina txikia da, sei bat centimetrotako luzerakoa eta ibaien behe zonaldetan bizi da eta ur pixka bat gatzatuan ere moldatzen da. Araldian arrain hiruarantzak kolore gorrizka hartzen du.
Arrain horren aldeko sinadura bilketarako orria hemen (pdf) jeitsi daiteke. Behin beteta dagoela agirian agertzen den Izateren helbidera bidali behar da.
Argibide gehiagorako:
izate@hotmail.com
Aldundiak Gobela eta Udondoko arrain hiruarantza babes dezan sinadura bilketa hasi dute
Barakaldoko Izate ingurumenerako elkarteak Bizkaiko WWF-Adenaren laguntzaz Bizkaiko Foru Aldundiak Uribe Kostako Gobela eta Udondo eta Barakaldoko Castaños ibaietan bizi den arrain hiruarantza (Gasterosteus aculeatus) babes dezan eskatzeko sinadura bilketa hasi du. Sergio de Juan Zuloaga Barakaldoko kolektibo ekologistaren idazkariak komunikabideetara bidalitako gutunean azaltzen duenez, Izatek egiten duen eskaera zehatza "Aldundiak behingoz espezie horrentzat gestio egistasmoa argitaratzea" da. De Juan Zuloagaren arabera, Eusko Jaurlaritzak dagoeneko arrain hiruarantza espezie kalteberatzat jo du, galzorian dagoen espezie izendapenaren ondokoa, alegia. Izatek leheengo urrats gisa dauka kasu hau, baina desagertzeko zorian dagoen Bizkaiko flora eta fauna guztirako kudeaketa egitasmoa eskatzeko asmoa dauka. Izan ere, kudeaketa planak badira Gipuzkoan eta Araban, elkarte ekologistak gogoratu duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun