Santa Eugenia kaleko orubea egokituko dute kotxeak uzteko 59 toki atontzeko
2005ko mai. 20a, 20:53
Getxoko Udalak 58.000 euro bideratu ditu Areetako Xake plaza alboan dagoen orubea egokitzeko, hain zuzen ere, Eusko Jaurlaritzak babes ofizialeko etxebizitzak eraiki asmo duen tokian. Egitasmoak aipatu guneko erdialdea atondu eta zoruko seinaleak margoztea aurreikusten du, bertan 59 aparkaleku prestatzeko. Auzotarrek kotxeak utzi ohi dituzte Itzubaltzeta / Erromoko Santa Eugenia kaleko eremu horretan eta jaietako txosnak eta kontzertuak ere izaten dira bertan.
Iñaki Zarraoa Getxoko alkateak adierazitakoaren arabera, “Udalak orube osoa asfaltatzeko asmoa zuen egoera txarrean dagoelako, baina Eusko Jaurlaritzak Santa Eugenia kalean babes ofizialeko etxebizitzak 2006rako eraikitzen hasiko dela iragarri duenez, ez zuen ez bururik ez hankarik uneotan orube osoa asfaltatu eta egokitzea, lanak hilabete batzuk barru hastekoak baitira”. Egokituko den guneak 96 metroko luzera eta 13 metroko zabalera du. Lan hauek esleitzeko hainbat enpresa gonbidatuko dituzte, lehiaktan parte har dezaten, "lanen zenbatekoa txikia delako".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun