Horregatik, sakabanaketa indarrean dutenei nahiz mendeku gosez politika hiltzaile hori babesten dutenei argi eta garbi adierazi behar diegu: gaixotasunen sorleku den kartzelan dituzten Josu Uribetxeberria, Jon Agirre Agiriano, Bautista Barandalla… kalean behar ditugu, aski da jipoiez, sakabanaketak eragindako istripuez, aski da isolamenduaz eta, azken batean, aski da sakabanaketa politikaz. Etorkizunari itxaropenez begiratu nahi diogu, gaur euskal preso politikoen Kolektiboa osatzen duten 720 lagunek isolamendu politikoaren aurka eta estatus politikoaren alde kartzelaz kartzela burutu dituzten ekimenetan egin duten bezala.
Zer beste bide dute bada estatuek nahiz alderdi politikoek eta eragileek, horrenbeste sufrimendu sortarazten duen gatazka politiko honen konponbiderantz benetan pausoak eman nahi badituzte, euskal preso politikoak Euskal Herriratu eta Kolektibo oso baten eskubideak bermatu baino? Koldarkeria politikoak eta alderdi interesek Euskal Herriak bizi duen gatazka politiko historikoaren konponbide demokratiko eta behin betikoaren atzeratzea dakarte, bere ondorio guztiekin. Bada ordua beraz, ausardiaz jokatu eta, bide horretan pausoak emateko, bada ordua, euskal preso politikoei estatus politikoa aplikatuz, herri honi etorkizun oparoago batean amesten eta bizitzen uzteko. Euskal preso politikoak Euskal Herrira, etxera!
Maiatzaren azken ostirala
2005ko mai. 27a, 10:43
Aitor Duran, Gotzon Beloki, Marisol Iparragirre eta Jagoba Terronesen senide eta lagunek maiatzean jasan dituzten 4 istripuak, Gotzon Aranburuk jasaniko jipoiak, Josu Uribetxeberriaren minbiziak… estatuek gure eta preso dituzten gure senide eta lagunen aurka darabilten bortxakeriaren dimentsioa erakusten digute. Mendekuan oinarritutako politikak dira, samina areagotu eta gatazka luzatzen duten errezeta zaharrak. Herri honek etorkizun oparoagoa merezi du ordea, ihesean nahiz bizi baldintza gordinenetan preso dituzten herritarrak etxean, aske izango diren etorkizuna.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun