EHUko Bizkaiko campusak ikasteko gelak zabalduko ditu asteburuetan EHUko ikasleentzat. Leioan, Gizarte eta Komunikazio Zientzien Fakultateko ikasgelategia eta Liburutegia zabalduko dute; Bilbon, berriz, Ekonomia eta Empresa Zientzien Fakultateko eraikin nagusiko beheko solairuko ikasgelak eta Bilboko Ingeniaritza Eskolako ikasgelak (Luis Briñas kaleko sarreratik) irekiko dira. Aipatutako eraikinetan sartu ahal izateko ezinbestekoa izango da EHUko ikasle txartela aurkeztea.
Ikasgelak maiatzaren 28 eta 29, eta ekainaren 4, 5, 11, 12, 18, 19, 25 eta 26an irekiko dira 9:00etatik 19:30era. Leioan, larunbatetan Liburutegia Nagusia irekiko da 9:00etatik 13:00era, eta ordu horretatik 19:30ak arte ikasleek Gizarte eta Komunikazio Zientzien Fakultateko ikasgelategian ikasi ahal izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun