Olokausto bostkote euskaldunak bere webguneko bisita liburuan onartu duenez, "Olokausto hil egin da!, snif!", baina, dena den, oraindik Olokaustoren kantak zuzenean entzuteko aukera izango da: "orain Karrasko (Aitor Karrasko, Olokaustoren baxua eta ahots nagusia) Iñigorekin (Iñigo Garcia, bateria) eta Mentxirekin ("Erditzera goaz" maketan ahotsak egiten lagundu ziena) Kuenta Atras deitzen den talde berri batean dago eta Olokaustoren kantaren bat abesten dute zuzenean".
Olokausto 2000an jaio zen Neguri Langileko jaietan eta taldekide batzuen joan-etorren ostean taldea 2002an finkatu zen. Hurrengo urtean, Olokaustok "Okupatu", bere lehenengo kanta, grabatu zuen Esanak Esan kolektiboak kaleratu zuen CDrako. 2004an, berriz, taldeak "Biok batera" grabatu zuen Gaztesarearen "Entseiu lokala, 2. bilduma" CD kolektiboan eta, urte berean, bederatzi hilabetetako lanaren ondorioz, CD-maketa ekoiztu zuen: "Erditzera goaz".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun