Bapiruke udaleku irekiak badatoz!

Getxo udalerriko haurren (5-12 urte) artean euskararen erabilera bultzatzeko asmoz, aurten ere udaleku irekiak antolatuko ditu Bizarra Lepoan euskara elkarteak. Algorta eta Itzubaltzeta / Erromon egingo dira, hiru txanda guztira: ekainaren 23tik 30era, uztailaren 1etik 15era eta azken hilabete horren 18tik 29ra. Lehenengoak 42 euroko prezioa izango du euskara taldeko bazkideentzat eta 55 euro bazkide ez direnentzat. Bigarren eta hirugarrenak, berriz, 80 eta 105 eurokoa, hurrenez hurren. (Salneurria txanda bakoitzari dagokio). Ekainaren 10era arte (goizean) egongo da izena emateko epea. Beraz, animatu eta gozatu udaz euskaraz!