Erakusketak, modu batean, kirol honek azken urteotan izan duen bilakera ere erakusten du, UKtik jakinarazi dutenez. "Argazkietako protagonistak eskualdeko skater enblematikoak dira, euretako batzuk gainera gaur egun profesionalak dira. Gogoratu behar da Getxo eta inguruko herriak skatearen harrobi handia izan direla", diote Uribe Kostako aldizkariko arduradunek.
Carlos Terreros estatuko skate argazkilaririk onenetakoa da eta horren froga dira hainbat aldizkari berezituetan azken urteotan argitaratu izan dituen argazki mordoa. Erakusketa egiteko BBK Fundazioa, Volcom eta Cianoplan Global Printers enpresaren laguntza jaso du UK aldizkariak.
UK Uribe Kostako Aldizkariak SK8UKN, Skate Uribe Kostan, erakusketa fotografikoa ekoiztu du. Hauxe UK-k ekoizten duen bigarrena da, izan ere iaz eskualdeko argazkilari handien (Gonzalo M. Azumendi, Jon Bernardez, Alfredo Aldai, Lobo Altuna... beste batzuen artean) lanak biltzea lortu baitzuten eskualdeko herri guztietan ikusi ahal izan zen erakusketan. Bada, oraingoan gaia skateboardinga da eta Carlos Terreros Uribe Kostan (UK aldizkariaren eremuan) ateratako argazkiak batu dituzte. Erakusketa bihar aurkeztuko dute 20:00etan Satistegi kafetegian. Hain zuzen ere, Algortako Basagoiti etorbideko taberna horretan egongo da ikusgai uztailaren 18ra arte, egunero, 10:00etik 24:00etara arteko ordutegian. (Irudian, Borja Saez skaterrari Erandion ateratako argazkia / Egilea: © Carlos Terrero).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun