Terreros argazkilari gaztearekin batera, Boluntzarreta elkarteak kaleratzen duen hamabostekariko Jokin Aspuru zuzendaria, Gorka Orueta harremanetarako arduraduna eta bertoko argazkilari eta kazetariak egon dira Satistegiko ekitaldian. Baita UKko kolaboratzaile eta eskualdeko euskaltzale porrokatua Bittor Egurrola eta Josu Esnaola Bizarra Lepoaneko kidea ere.
Dozena bat argazki
Modu batean, kirol honek azken urteotan izan duen bilakera ere erakusten dute irudiek, UKtik jakinarazi dutenez. "Argazkietako protagonistak eskualdeko skater enblematikoak dira, euretako batzuk gainera gaur egun profesionalak dira. Gogoratu behar da Getxo eta inguruko herriak skatearen harrobi handia izan direla", diote Uribe Kostako aldizkariko arduradunek.
Carlos Terreros estatuko skate argazkilaririk onenetakoa da eta horren froga dira hainbat aldizkari berezituetan azken urteotan argitaratu izan dituen argazki mordoa. Erakusketa egiteko BBK Fundazioa, Volcom eta Cianoplan Global Printers enpresaren laguntza jaso du UK aldizkariak.
Monopatinak eskuan zeramatzatela, inguruetako skatezale ugari bildu da gaur arratsaldean, UK Uribe Kostako aldizkariak antotatu duen SK8UKN erakusketaren aurkezpenean. Mokadua eta tragoa hartu bitartean, Carlos Terrero argazkilariak egindako irudi ikusgarriak ikusteko parada izan dute Algortako Satistegi kafetegian bildu direnek. Uztailaren 18ra arte egongo dira bertako hormetan zintzilik, Uribe Kostako skater trebeenek Algortako San Nikolas inguruetan zein Getxoko La Kanteran egindako jauzi eta itzulipurdien argazkiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun