"Burugabekeria da bulego horrekin gertatzen ari dena: 2002ko ekainean iragarri zen, 2003rako zabaltzea espero zuten eta, azkenean, 2004ko ekainean ireki zituen ateak; urtebete beranduago itxi behar izateko, lanak ondo egin ez zirelako", kritikatu du Arruek. Zinegotzi popularrak adierazitakoaren arabera, "berriro ere, auzotarrek ordaindu beharko dute Zarraoa alkatearen eta bere udal gobernuaren kudeaketa kaskarra; aparteko gastua ez ezik, algortarrek bulego horrek eskaintzen dituen zerbitzuak ez izatea suposatuko duelako".
Gaiaren inguruko berriak:
Martikoena kalera aldatu dute kontsumitzaileen arretarako bulegoa (2005 Eka 01)
Zabala kaleko Hiritarren Arretarako Bulegoa konponketetarako itxi behar izana "burugabekeriatzat" jo du Getxoko PPk
Algortako Juan Bautista Zabala kaleko Hiritarren Arretarako Bulegoaren (HAB) itxiera kritikatu du gaur Marisa Arrue Getxoko PPko bozeramaileak. Bertoko saneamendu-sareko hodiak konpontzeko lanak "orain urtebete", hau da, "lokala egokitzeko obrak egin zirenean" gauzatu behar zirela adierazi du. Arrueren ustez, "bere garaian, obrak zuzentzeaz arduratu zenak ez omen zuen bere lana ondo egin; batik bat, urtebeteren buruan zintzilik geratu ziren kontuak konpondu behar direlako". Bulegoa zabaldu ahal izateko 115.342 euro gastatu zituzten, beti ere Getxoko PPko bozeramaileak adierazitakoaren arabera; eta 12.000 euro obren zuzenketa lanetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun