Pasa den astean ere Getxoko Udaleko Negoziazio Mahai Orokorrarekin bildu ziren udaltzain ordezkariek, Europa Pressen arabera. Bertan, Bigarren Mailako Jarduerarako Araudia, Trebakuntzarako Araudia eta Lanpostuen Balorazioa jorratzea proposatu zuten, besteak beste, udal erakundeko ordezkariek. Horiek udaltzaingoaren lan-baldintzetan eragina daukaten gaiak direla onartu arren, batik bat aurreneko biak sindikatuen eskaeren artean egonda, "Getxoko Udalak hiru gauzak batera egitea planteatzea" kritikatu dute, "ondo baino hobeto dakitelako emandako epean horiek zehazteko denborarik ez dagoela". Hori dela eta, behin behineko aldiz, hiru gai horiek mahai gainetik kentzea planteatu zuten sindikatuek, gainontzekoetan akordio "azkarra" ahalbidetzeko asmoz, baina eskaera atzera bota zuten.
Zarraoa egin dute erantzule
Halaber, batzarra amaitu baino lehen, "gaiztoak izan diren" udaltzain guztiei disziplinazko espedientea zabalduko zaiela adierazi zieten, sindikatuek jakinarazi dutenez, beti ere Europa Pressen hitzetan. "Itxura denez, hori da gatazka konpontzeko duten modua, fede onez mahai inguruan eseri eta negoziatu beharrean", gaineratu dutenez. Hori dela eta, udal arduradunen jarrera "negatibotzat" jo dute. "Gure proposamenaren atzean zegoen fede ona ulertzen ez du jakin Iñaki Zarraoa alkateak. Bera egiten dugu egoeraren eta horren izan ditzakeen ondorioen arduradun", tamaldu dutenez.
Maiatzaren 30ra bitartean egin bezala, trafiko arau-hausteak zigortu ez (larriak ez badira), kalitateari buruzko ibilgailuen eguneroko txostena egin gabe utzi, egutegia eta ordutegiak zorrozki bete eta ekitaldi garrantzitsuenetan eta osoko bilkuretako protestak dira burutuko dituzte mobilizazioak.
"Lan-baldintzak hobetzeko emandako epean, aurrerapausorik eman ez denez", asteazken honetan ekingo diete berriro ere protestaldiei Getxoko udaltzainek, ELA, CSI-CSIF, UGT, CCOO eta SVP sindikatuek iragarri eta Europa Press albiste agentziak jakinarazi duenez. Ekainaren 2an izandako batzarrean hartu zuten erabakia, negoziaziorako bideak eta "distentsioa" ahalbidetzeko asmoz, "erreibindikazio ekintzarik gabeko" astea bete zen egunean hain justu. Beti ere aipatu berri agentziak adierazitakoaren arabera, distentsio eperako finkatutako baldintzak "zintzoki" bete dituztela nabarmendu dute kaleratutako idatzian sindikatuek; baita gatazkari irtenbidea aurkitzeko mota guztietako pausuak eman dituztela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun