Era berean, langileek Eusebio Meleroren jarrera ere gaitzetsi dute. Maiatzean Melerok berdintasuna eskuratzeko bileren egitaraua zehazteko konpromisoa hartu zuen grebalarien arabera, baina "11 egun beranduago ez dago egitaraurik". Horregatik, maiatzean alde batera utzitako protestaldiak berreskuratu dituzte. Gaurkoz aparte, 14 greba egun egingo dituzte ekainean. Lehenengo egunak ekainaren 9, 13, 15, 16 eta 17 izango dira.
Gaurko mobilizazioei dagokienez, grebalariak goizeko 8:00etan batu dira Loiun, hortik Asua, Erandio, Deustu eta Bilbo zeharkatzeko. Ibañez de Bilbao kalean egingo dute egun osoko elkarretaratzea.
Gaiaren inguruko berriak:
Autobuses de Lujua enpresako langileek bertan behera utzi dituzte bihartik ostiralerako lanuzteak (2005 Mai 31)
Autobuses de Lujua enpresari ateak berriro irekitzea agindu dio Eusko Jaurlaritzak (2005 Mai 18)
Urrira arte jarraituko dute greban Areeta eta Larrabetzu arteko autobusetako langileek (2005 Api 27)
Aurrera darrai Areeta eta Larrabetzu arteko autobusen grebak (2005 Api 04)
Gaur hasi da Areeta eta Larrabetzu arteko autobusen greba (2005 Mar 01)
Gaur lanuztea egingo dute Autobuses de Lujuako grebalariek
2005ko eka. 8a, 10:46
Autobuses de Lujua garraio enpresako langileek 24 orduko lanuztea egingo dute gaur, Bizkaibusen aritzen diren beste langileekiko berdintasuna aldarrikatzeko. Era berean, UGT sindikatuak jakinarazi duenez, autobus gidariak martxan abiatuko dira Loiutik Bilbora. Langileen arabera, Bizkaiko Foru Aldundiak "iruzurra" egin die. Izan ere, maiatzaren bukaeran besteak beste Areeta-Larrabetzu linearen zerbitzua ematen duen Loiuko enpresako kideek ekainaren hasierarako aurreikusita zeuzkaten lanuzteak bertan behera utzi zituzten, Eusebio Melero Garraio sailburua bitartekari lanak egin ostean. Langileek herenegun Batzar Nagusietan Bizkaiko Foru Aldundiko Gobernu Taldea osatzen duten EAJ eta EAk lan baldintzak berdintzea jasotzen zuen PSE-EEren proposamena atzera bota izana kritikatu dute.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun