Lehenengo jardunaldian, Canal Blues talde bilbotarrak "No nací pá trabajar" diskoa aurkeztu zuen eta ondo berotu zuen giroa. Kontzertu nagusian Eddy "The Chief" Clearwater izan zen protagonista. Gaur egungo blues panoramako musikari beteranoetako bat da "The Chief". Country, blues eta rock konbinazio orekatuarekin lortu du Clearwaterrek sari garrantzitsuak eskuratzeko estiloa, eta ondo erakutsi zien Algortako Portu Zaharrean bildu ziren 2.000 lagunei.
Larunbatean Coco Montoya musikari ospetsuari heldu zitzaion txanda. Kaliforniako artista hau blues-soul estiloaren erakusle nagusienetarikoa eta nazioarteko eszenako gitarjole onenetakotarikoa da gaur egun. Emanaldi paregabe eskaini zuen eta publikoak bi ordu eta erdi baino gehiagotan zehar gozatu zuen bluesman honen musikaz.
Azkenik, Getxo&Bluesi amaiera bikaina eman zion Skip McDonald musikari ospetsuak, Little Axe musika proiektuaren bidez. Ohioko kantari, gitarjole, baxujole eta pianojole den honek nekatu gabe lan egiten du musikari ikuspegi berriak eskaintzeko eta azken urteetan blues, erritmo elektronikoak eta dub soinuak biltzen dituen estilo berezia sortuz esperimentu ugari egin ditu.
Gaiaren inguruko berriak:
Getxo & Blues jaialdia ostiralean hasiko da Eddie "The Chief" Clearwater estatubatuarraren emanaldiarekin (2005 Eka 08)
Zazpi mila lagunek gozatu dute Getxoko Blues Jaialdiaz
2005ko eka. 13a, 17:50
Guztira, 7.000 lagunek gozatu dute aurtengo Getxoko Blues Jaialdiaz, hamazazpigarren urteurrena bete duena. Ohi bezala, estilo anitzetako musikariak eta taldeak bildu dira Algortako Portu Zaharrean. Bertan, Canal Blues, Eddy "The Chief" Clearwater, Coco Montoya eta Little Axe aritu ziren ostiraletik igandera. (Argazkian, Gorka Bringas Canal Blues talde bilbotarreko gitarjolea eta ahotsa).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun