Egoera larrian daudenentzako etxebizitzak behingoz sortzeko eskatu dio Udal Gobernuari Erandioko Ezker Batuak
Natalia Rodriguez (argazkian) Ezker Batua-Berdeak taldeko zinegotzi bakarrak EAJk osatzen duen Erandioko Udal Gobernuari egoera larriak pairatzen dituztenentzako etxebizitzak sortzeko zegoen hitzarmena Udal Batzarrera eramatea eskatu dio. Ezkerreko alderdiak prentsa oharrean azaldu duenez, iragan den maiatzaren 13an alderdi guztiek, aho batez, onartu zuten komisioan etxebizitza horiek martxan jartzea. Bertan, etxebizitza ezaren eraginez, etxe gatazka larriengatik, gertaerengatik zein baldintza sozioekonomiko eskasak izatearen ondorioz egoera larrian egon litezkeen pertsonei ostatua emateko.
Ezker Batua-Berdeak taldeak proposatuta, aho batez hartutako hitzarmen horretatik hona “ez da inolako erabakirik hartu horren inguruan”, Rodriguezek salatu duenez. Horregatik hartutako erabakiari “ofizialtasuna” emateko EBBk Gobernu Batzarrean berrestea eskatu du. Natalia Rodriguezen iritziz, Erandioko Udalak “gizarte bazterketaren kontra borrokatzeko duen ardurari ezin dio bizkarrik eman” eta “ahalik eta lasterren” hitzartutakoa betetzeko eskatu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun