Bertso modalitate ikusgarri honetan, parte hartzen duten bi bertsolariek balkoi banatik botatzen dituzte euren bertsoak, 1802an Tolosan hasi zen tradizioa berpizteko asmoz. Oraingo honetan, ekitaldi honen zortzigarren edizioa izango da Getxon, 1998 urtean Algortako San Nikolas Plazan lehenengo aldiz ospatu zenetik, publikoaren erantzuna apartekoa izan zelarik.
Ohi bezala, bertso modalitate mota hau oso berezia denez, saioa iluntzean hasiko da. Ekitaldiaren erakargarritasuna indartzeko argitazpen berezia jarriko da Algortako Portu Zaharrean. Bertan, ikus-entzuleek bi bertsolari gazte eta gailenen bertsoez gozatu ahal izango dute.
Etxahun Lekue eta Sustrai Kolina arituko dira bihar "Balkoitik Balkoira" bertso-saioan
Bihar, ekainak 17, ostirala, bertso-saio berri bat izango da Getxoko Udaleko Euskara Zerbitzuaren eta Algortako Bertsolari Eskolaren (ALBE) eskutik, "Balkoitik Balkoira" ikuskizuna, hain zuzen ere. Oraingo honetan, Etxahun Lekue (Larrabetzu / Txorierri) eta Sustrai Kolina (Urruña / Lapurdi) bertsolari gazteak arituko dira eta, ohi bezala, ekitaldia Algortako Portu Zaharreko Etxetxuko plazan izango da, 22:00etan. Sarrera doakoa da. (Argazkian, orain urte batzuetako saioko irudia, ALBEko webgunetik hartua).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun