Zarraoaren esanetan, “TAO gunean aparkalekuak gutxitzea, Mesedeetako parkingaren eskaintzarekin orekatuko da argi eta garbi. Hiria egiteko era egokiagoa da herritarrei oinezkoentzako pasabide garaiak, espaloi zabalagoak eta irisgarriagoak, eta autoentzako lurrazpiko aparkalekuak eskaintzea”.
Bestalde, Itzubaltzeta / Erromoko Lope de Vega, Ganeta, Kresaltxu, Zubieta, Gorbea eta Santa Eugenia kaleetan laster hasiko dira antzeko lanak egiten, alkateak gogoratu duenez. Gune horretan ere ez da aparkaleku kopurua murriztuko. Getxoko Udalaren asmoa da lan hauek guztiak urte amaierarako egotea.
Getxoko Udalak 681.328,36 euro bideratuko ditu Algorta eta Areetako zenbait kaletan espaloiak hobetu eta zabaltzeko lanak egiteko. Algortan Gaztelumendi, Aralar, Urkiola eta Txomin Iturraten egingo dira. Iñaki Zarraoa alkateak jakinarazitakoaren arabera, gune horretan “espaloiak zabaldu eta oinezkoen pasabideak jaitsiko dira, hala ere ez dira bertan dauden aparkalekuak gutxituko”. Areetan, berriz, Arlamendi, Zalama, Pinudi, Klub eta Bidearte kaleetan izango dira lanak. Oso kale estuak direnez, errepideen zabalera txikitu egin beharko da eta, ondorioz, aparkatzeko tokiak, ordaindu beharrekoak (TAO gunean baitaude) hain zuzen ere, gutxitu egingo dira gune horretan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun