"TAO ia-ia udalerri osoa; eta bereziki, merkatal guneak, ikastetxe publikoak eta kiroldegia" hartzen dituela ikusteak sopeloztar guztiengan "ezinegona" eragin duela diote Sopelmar urbanizazioko bizilagunek. "Metro geltokien inguruetako aparleku guztiak urdin kolorez margoztea erabaki dute. Arazo larria da hori herrigunetiik kanpo bizi diren auzotarrentzat; hala moduzko garraio publikorik ez dagoenez, kotxez joan behar direlako metro geltokiraino. Bertan bizi ez direlako, TAO eremu urdinerako bizilagun txartela ez daukatenez, Urduliz edo Berangora joan behar izaten dute autoa utzi eta metroa erabiltzeko", adierazi dute, Deia kazetak jaso duenez.
Bien bitartean, TAO sistemaren ezarpena dela eta, herritarrek aurkeztutako iradokizuniak aste honen erdialdean aztertzen hasiko direla adierazi dute Udaletik. Helburua udaletxera haien sugerentziak edota erreklamazioak aurkeztera hurbildu diren pertsonei "erantzun bat eskaintzea da, ahalik eta lehen".
Gaiaren inguruko berriak:
TAO "dirua biltzeko baino ez" dela diote Sopelako Ezker Batua-Berdeek (2005 Eka 18)
TAO guneetan bizi diren sopeloztarrentzat baino ez da bizilagun txartela (2005 Eka 18)
TAOren aurkako burrunbada izango da bihar Sopelan
2005ko eka. 21a, 15:33
Sopelako Udalak ezarri berri duen Trafikoa eta Aparkatzea arautzen duen Ordenantzaren (TAO) aurka protesta egiteko, mobilizazio kanpaina abian jarri dute hainbat auzotarrek. Gehienbat, Sopelmar urbanizazioko bizilagunak dira ekimenaren bultzatzaileak. Hala ere, sopeloztar guztiek euren erreibindikazioekin bat egitea lortu nahi dute. Horretarako, sinadurak bilduko dituzte eta, astero, elkarretaratzea egingo dute udaletxe aurrean, Sopelako Udalak TAO jartzeko erabakiari buruz hausnartu bitartean. Kontzentrazioekin hasteko, burrunbada egingo dute bihar 20:00etan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun