Talde horiek urtero ekitaldiak eta egitasmoak eramaten dituzte aurrera 480.000 euroko kostuarekin eta euren jarduna haurrei zein nerabeei dago zuzenduta; eta neurri txikiagoan gazteei. Ekimenak tailerrak, gai desberdinei buruzko ikastaroak, txangoak eta kanpamenduak oporralditan, eta eskolatik kanpoko laguntza dira.
Aipatutako elkarte horietan guztira 1.500 eta 2.000 gaztek hartzen dute parte. Burutzen duten hezkuntza lana oso garrantzitsua da arautu gabeko mailan eta horregatik Udaleko Gazte Zerbitzuak "oso garrantzitsutzat" jotzen ditu udalerriko gazteentzat aisialdiko eskaintza zehazterakoan. Talde batzuek desagertu arren, beste berri batzuk sortzen ari dira eta horrek agerian uzten du udalerriaren elkarteen sarea dinamikoa dela eta berrizten ari dela, nahiz eta zailtasun ugariri aurre egin behar.
Hamabost gazte elkarte getxoztarri 26.500 euroko dirulaguntza emango die Getxoko Udalak
Gazteei zuzendutako jarduerak egiten dituzten etekin asmorik gabeko 15 elkarteri 26.500 euro emango die orotara Getxoko Udalak, gazte elkarteei ematen dizkien 2005eko dirulaguntzen atalaren barruan. Algortako Skaut Taldea, Itxartu Mendigoizale Taldea, Itxartu Gaztetxoak, Hazi eta Bizi Gazte Erakundea, Gaztetasuna, Eskubeltz Eskaut Taldea eta Irutasun Kultur Elkartea; Getxoko Itxas Argia Mendi Taldea, Andra Mari Mendi taldea eta Gurutz Gorriaren Gazte Taldea; Itzubaltzeta / Erromoko Gazte Enbata Aisi Elkartea, Ibaiondo Kluba eta Ziztu Bizian Eskaut Taldea; eta Areetako Asociación Benefica Galea eta Negubide dira aipatu elkarteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun