Igogailuaren eta bere instalakuntzen hasierako egokipenak igogailua bera martxan ipini ondoren egin dituzte, "kargarik gabeko frogek ez dituztelako arazo guztiak erakusten". Zailtasun handienak txartelak saltzen dituzten makinetan izan dira. Une hauetan ezin dira Creditrans txartelak erabili, baina arazo informatikoak epe laburrean konponduta egongo direlakoan daude.
Gaiaren inguruko berriak:
Goizean zabaldu dute Ereagako igogailua (2005 Eka 17)
Asteburu batean 4.500 bidaia egin dira Ereagako igogailuan
2005ko eka. 30a, 12:49
Dagoeneko "emaitza positiboak" ematen ari da Ereagako igogailuak, martxan jarri eta bi aste eskas igaro direnean, "herritarren eskaera eta onarpen handia izan delako", udal arduradunen hitzetan. Joan den asteburuan, hau da, ostiraleko (ekainak 24) arratsaldetik igandera (ekainak 26), 4.500 bidaia egin zirelako, egunean ia bi mila bidaia. Udal gobernu taldeak egitura honen gainean zituen aurreikuspenak betetzen dituzte kopuru hauek, Getxoko Udaleko iturrien arabera. Honen aurrean, "pozik" agertu da Iñaki Zarraoa alkatea eta, gainera, "herritarren harrera on hori erabiltzaileek egindako komentarioetan isladatuta" geratu dela adierazi du. "Batez ere mugitzeko arazoak dituztenen artean izan da harrerarik onena", azpimarratu du udal agintariak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun