Zerbitzua osatzeko, Bidaideak elkarteak hondartzara hurbiltzeko garraio egokitua ere eskainiko du. Halaber, Ereagako igogailuak zailtasunak dituzten pertsonei Algortatik hondartzara joateko ekarri dizkien abantailak gogora ekarri nahi izan ditu Iñaki Zarraoa alkateak. Horretaz gain, hondartzan bertan ere irisgarritasuna bermatzeko Udalak eginiko lanak eta ezarritako zerbitzuak azpimarratu ditu.
Begirale taldea
Aipatutako zerbitzuak aurrera eramateko, laguntza teknikoa eta arreta pertsonala eskaintzeko begirale talde berezia du egitasmoak. Elbarritasunen bat dutenak artatuko dituzte 11:30etik 18:30ak arte. Zerbitzuez gain, jolas eta kirol jarduerak antolatuko dituzte hondartzan eta taldekako irteerak ere prestatzeko aukera aztertzen ari da Bidaideak. Getxoko Udalarekin batera parte hartzen dute ekimenean Gorliz, Sukarrieta eta Zierbenakoak ere. Iñaki Zarraoa oso pozik agertu da Ereaga hondartza aukeratu dutelako ekimenerako. Oso urrats garrantzitsua eman dela uste du.
Mugitzeko zailtasunak dituzten lagunek erraztasun handiagoak izango dituzte uda honetan Algortako Ereagako hondartzara joateko, bertan Getxoko Udalak egin dituen egokipen lanei eta “Hondartza denontzat” egitasmoan aipatu areatza onartu izanari esker. Bidaideak Euskal Elbarrituen Elkarteak eta Heldu elbarritasuna duten pertsonak batzen dituen federazioak antolatu dute “Hondartza denontzat” ekimena, BBKren eta Bizkaiko Foru Aldundiaren laguntzarekin. Mugitzeko zailtasunak dituzten pertsonei hondartzetara joatea erraztu nahi diete horren bidez. Gauzak horrela, bihartik irailaren 1era arte, zerbitzu bereziak eskainiko dizkiete aukeratutako lau hondartzetan, Ereaga barne. Hain zuzen ere, uretan erabiltzeko gurpildun jarlekuak eta makulu bereziak alokatzeko aukera emango diete, baita begiraleen bitarteko arreta eta laguntza pertsonalizatua ere. Ereagarekin batera, eskualdeko Gorliz, Sukarrieta eta Zierbenako hondartzak ere parte hartzen dute ekimenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun