Aurkeztutako 27 lanek oso gai ezberdinak jorratzen dituzte eta adin ezberdinetako eta Euskal Herriko hainbat tokitik etorritako graffitigileek eginak dira. Sonia Perez Anguera Topaguneko Gazteak saileko teknikariaren hitzetan, oso kalitate handiko lanak dira, hori dela eta, oso zaila egin zaie finalera doazen hamarrak aukeratzea. Imanol Landa Getxoko Udaleko Presidentzia zinegotziak, berriz, ekitaldia prestatzerakoan bi udal arlo elkarlanean aritu direla gogora ekarri du; alde batetik Gazteria Zerbitzua eta bestetik Euskara Zerbitzua. “Getxoko gazteek eragindako ekimenak bultzatu eta beraien sormen artistikoa sustatu eta aldi berean, gazteria, euskara eta aisialdi erakargarrien arteko lotura lantzea” da ekimenaren helburua.
Finalistak
Hona hemen finalera heldu diren hamar graffitigile taldeak:
- Haritz Irureta "Piru" (Zarautz, Gipuzkoa) eta Aitor Larrañaga "Peli" (Zarautz, Gipuzkoa).
- Hibai Garai "Esan" (Arrasate, Gipuzkoa) eta Iñaki Uriarte "Peli" (Arrasate, Gipuzkoa).
- Imanol Garaizabal (Elorrio, Bizkaia).
- Eva Mena (Bilbo, Bizkaia), Ruben Daniel Martinez (Gasteiz, Araba) eta Jorge Martin (Iruñea, Nafarroa).
- Eneritz Velasco (Gasteiz, Araba) eta Egoiz Ponte (Gasteiz, Araba).
- Gorka Gonzalez "GO" (Ermua, Bizkaia).
- Nuria Sierra (Berango, Bizkaia) eta Aratz Ruiz (Gasteiz, Araba).
- Asier Lopez (Bilbo, Bizkaia), Aitor Jimenez (Astrabudua, Bizkaia) eta Maider Celada (Arrigorriaga, Bizkaia), Grafimatics taldea.
- Ander Garrosa (Gasteiz, Araba) eta Javier Romero (Gasteiz, Araba).
Hodei del Barrio (Burlata, Nafarroa) eta Javier Landa (Huarte, Nafarroa).
Ekitaldi ugari
Datorren uztailaren 16rako zirkuitu berezia prestatu dute Algorta eta Getxoko hainbat gunetatik. Hain zuzen, Portu Zaharra, Algortako erdialdea eta Arrigunaga izango dira egun horretako agertokiak. 9:30etatik 18:00etara, aukeratutako hormetan egin ahal izango dituzte euren lanak finalara igaro diren hamar graffitigileek. Horretaz gain, bisitariek ere gozatzeko aukera izango dute egun osorako antolatu diren jarduerekin.
Hona hemen eguneko egitarau osoa:
Herriko gune ezberdinetan:
Finalera heldu diren parte-hartzaileak elkarrekin lehian arituko dira herriko zenbait gunetako hormak graffiteatuz.
San Nikolas plazan:
9:30 Graffiti erakustaldi bikaina: GoldXpression talde ospetsua.
11:30-13:30 Parte hartzeko hamaika aukera! Gazte tailerrak: perkusioa, DJ, scrach eta break dance tailerrak.
13:30-14:15 Erakustaldia: perkusioa, DJ, scrach eta break dance, Selekta Sound System eta Intxaurbreak taldeekin.
18:30 Sari banaketa Xabier Payak aurkeztuta.
19:00 Eibarko (Gipuzkoa) Kokein taldearen kontzertua.
20:00 Break dance erakustaldia.
20:45 Ziburuko (Lapurdi) M.A.K. taldearen kontzertua.
Telletxe plazan:
11:30-14:30 Parte hartzeko hamaika aukera! Haur txokoa: Bizarra Lepoan euskara elkarteko begiraleen eskutik (jolasak, eskulanak...).
11:30-18:00 Skate pista txikia (parte hartzeko patin eta patineteak eroan!).
Arrigunagan
16:30-18:00 Skate erakustaldia: Getxoko Skate Taldea.
Portu Zaharrean
11:30-13:00 Graffiti tailerra.
Gaiaren inguruko berriak:
Hamar graffitiz osatutako 'kale-museoa' paratuko dute Getxon (2005 Mai 11)
Ikusleek ere parte hartuko dute uztailaren 16ko Euskal Herriko Graffiti Lehiaketaren finalean
Topagunea Euskara Elkarteen Federazioak antolatuta eta Getxoko Udala, Bizkaiko Foru Aldundia eta Eusko Jaurlaritzaren babespean, guztira 27 lan aurkeztu dira Euskal Herriko II. Graffiti Lehiaketan parte hartzeko. Hain zuzen ere, gaur goizean eman dituzte ezagutzera finalean arituko diren 10 horma-irudien egileen izenak. Tartean, Nuria Sierra berangoztarra eta Aitor Jimenez astrabuduarra daude egun horretan lehiatuko diren hamar graffitigile taldeetatik bietan. Ekitaldia uztailaren 16an egingo da Getxo udalerriko kaleetan (Algortan gehien bat) barrena prestatutako ibilbidean. Graffitiak Arrigunaga hondartzan, hortik Usategirako bidean, eta Zabala eta Basagoitiko paretetan margoztuko dituzte; eta egun horretan bertan aukeratuko dituzte 1.200 euroko sari bana jasoko duten laurak. Horretaz gain, bisitariek ere gozatzeko aukera izango dute gazteei eta umeei begira antolatu diren tailer eta erakustaldiekin. Ezarrita dauden lau sarien banaketa egin ondoren, Kokein eta M.A.K. taldeen kontzertuak izango dira. (Argazkian, Sonia Perez Anguera Topaguneko Gazteak saileko teknikaria eta Imanol Landa Getxoko Udaleko Presidentzia zinegotzia, gaur goizean, Gorka Gonzalez "GO" graffitigilea lanean ari dela).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun