Galdakaoko Andra Mari Dantza Taldeak beste behin ere antolatu du "Folklore Bizian" dantza jaialdia. 50. edizioan, Faro (Portugal), Ivan Goran Kovacic (Kroazia), Marluz-Tizoc (Mexiko) eta Néptánckör (Hungaria) taldeak igoko dira zazpi herritako agertokietara. Izan ere, Sopelan ez ezik, Ugao, Arrigorriaga, Galdakao, Usansolo, Orozko, Gorliz eta Gernikan ere izango dira dantzari eta musikariak. Orotara, 170 lagunek osatzen dute ikuskizuna.
Hona hemen Santa Marina eguneko egitaraua osorik:
10:00 Txupinazoa. Udaletxeko enparantzatik Santa Marinara kalejira Barinatxe taldeko txistulariekin.
11:00 Meza nagusia Santa Marina baselizan.
11:30 Ohorezko aurreskua eta lore eskaintza Fernando Ansoleagaren omenez.
12:00 Hamaiketakoa trikitrixarekin alaitua.
14:00 Herri bazkaria Fernando Ansoleaga parkean.
17:00 Tortila Lehiaketa.
20:30 Nazioarteko Dantza Jaialdia Galdakaoko Andra Mari taldearen eskutik, Mexiko eta Hungariako taldeekin, udal pilotalekuan.
22:30 "Shrek 2" filmea, Eleizalde enparantzan.
Santa Marina eguna ospatuko dute bihar sopeloztarrek
2005ko uzt. 19a, 21:44
Goizeko hamarretan txupinazoa bota eta kalejiran abiatuko dira Imanol Garai Sopelako alkatea eta zinegotziak udaletxeko enparantzatik Santa Marinara, Barinatxe taldeko txistularien doinuez lagunduta. Ordu bete beranduago baselizan meza nagusia egin eta, ordutik aurrera, ohorezko aurreskua eta lore eskaintza, hamaiketakoa, herri bazkaria eta tortilla lehiaketa egongo dira Fernando Ansoleaga plazan. Egunari amaiera bikaina emateko, dantza ikuskizuna eskainiko dute 20:30ean, udal pilotalekuan, Mexikoko Marluz-Tizoc, Hungariako Néptánckör taldeek. Txikiek, berriz, "Shrek 2" filmea ikusteko aukera izango dute bi ordu beranduago. (Argazkian, igazko ospakizuna).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun