Horrez gain, Udal Tasen Gehiegizko Igoeren Aurkako Getxoztarrok herri ekimena hiri hondakin solidoak erraustearen guztiz aurkakoa da eta birziklapena handitzeko hondakinetarako irtenbide alternatiboak aztertzea eskatzen dio Getxoko Udalari.
Harremanetarako:
%86?@euskalerria.org
Udal tasa igoeren kontrako sinadura bilketa egingo dute Portu Zaharreko jaietan
Itzubaltzetako jaietan eta San Lorentzo azoka egunean Algortan jarritako mahaietan jende andanak sinatu ondoren, jadanik 2.000 getxoztarrek sinatu dute udal tasen gehiegizko igoeren aurkako eskaera. Sinadura bilketaren eskaera zehatzak, zarama tasaren %86ko igoera lotsagarria eta udal igerilekuetarako sarrerarako urteko sariaz gain aldian aldiko beste euro bateko tasa berria bertan behera uztea eta zerbitzu publikoen izaera sozialaren aldeko tasa politika berria aldarrikatzea da. Domekan, abuztuaren 14an, arratsaldeko 6etan beste mahai bat jarriko da Algortako Portu Zaharreko jai esparruan. (Argazkian, getxoztar bat Algortako jaietan jarritako mahaian eskaera orria sinatzen).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun