Erandio Goikoa Andramariko jaiak eta Goi-Alderen 40. urteurrena ospatzen ari da

Erabiltzailearen aurpegia Ukberri 2005ko abu. 13a, 22:10
Arratsaldeko 17:00etan eman diete hasiera Andramariko Jaiei. Txupinazoaren ostean Ardoa Barrura fanfarriak ireki du ohiko kalejira. 19:00etatik, berriz, 40 urte bete dituen Goi-Alde Dantza taldea eta Lantziegoko Iradier Salaberri taldea dantza erakustaldia burutzen ari dira. 22:00etan Goi-Aldek bere 40. urteurrena ospatzeko prestatutako herri-afariaren ordua izango da, beti ere aurretik txartela erosi bada. Gaua 00:00etan hasiko da Amaiur taldeak eskainiko duen rock-erromeriaz. Bihar, besteak beste, baserriko produktuen azoka, sokatira probak eta Briganthya taldearen kontzertua ikusteko aukera izango da. Astelehenean, Goi-Alderen belaunaldi guztiak batuko dira dantzan, ondoren herri bazkaria izango da eta arratsaldean erromeriaz gozatu ahal izango da. (Argazkian, Goi-Alde dantza taldeko aspaldiko irudia).
Igande eta asteleheneko egitaraua:

Igandea

10:00-14:00: XVI. Baserri produktuen erakusketa-azoka.
11:00: II. Sokatira lehiaketa: Goiherri A eta B, Laukiz A eta B, Getxo A eta Ortzi taldeekin.
12:00: Udal Musika Banda
17:00: Gizon-proben II. lehiaketa.
19:00: “Iturrian zer dago?”, Xukan taldearen dantza, trikitixa eta bersolaritza ikuskizuna.
24:00: Bryganthya taldearen kontzertua.

Astelehena

11:00: Goi-Aldeko txistularien kalejira.
11:00: Meza.
12:00: Ohorezko aurreskua.
12:30: Goi-Alde dantza taldeko belaunaldi guztiak batuko duen dantza agerketa, 40. urteurrena ospatzeko.
14:30: Bazkaria. Txartela 15 eurotan (10 eurotan 12 urte baino gazteagoentzat) eros daiteke.
17:00: Puzgarriak.
17:30: Erromeria Luhartz taldearekin.
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun