Fleury-Merogiseko euskal presoek honako ekimen egitaraua izan dute uztailean zehar:
- Uztailak 1, ostirala: Kartzelako janaria errefuxatu, isolamendua eta bakartzearen aurka.
- Uztailak 8, ostirala: Oihane Errazkini omenaldia. Gaixo dauden kideen alde, kartzelako janaria errefuxatzea.
- Uztailak 23, larunbata: Imanol Gomezi omenaldia.
- Uztailak 24, igandea: Txapeoa Imanol Gomezen heriotza dela eta.
- Uztailak 30, ostirala: "Estatus politikoaren alde, apartheid politikoaren aurka, Euskal Presoak Euskal Herrira!" leloko enkartelada.
Gaiaren inguruko berriak:
La Santé eta Fleuryn hainbat ekimen egin dituzte presoek (Gaztesarea)
Manex Zubiaga algortarra eta Lexuri Gallastegi berangotarra preso dauden Fleury-Merogisko espetxean hainbat protesta eraman dute aurrera Euskal Preso Politikoen Kolektiboaren kideek, Gaztesareak jaso duenez. Aldiz, gazte atariak ez du argitu protestak gizonezko atalean, emakumezkoenean edo bietan burutu diren. Aipatu informazioaren arabera, presoek Oihane Errazkin eta Imanol Gomez oroitzeko omenaldi ekitaldiak eta protesta ekintzak antolatu zituzten pasa den hilabetean, eta espetxe baldintzak eta bakartze politikak salatzeko barauari eta enkarteladei ekin zieten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun