Wikipedia mundu mailako entziklopedia askeak babes ekonomikoa eskatu du

Erabiltzailearen aurpegia Ukberri 2005ko abu. 23a, 15:54
Wikipedia doako entziklopedia elektroniko partehartzaileak 200.000 dolar estatubatuarrak batzeko kanpaina abiatu zuen iragan den abuztuaren 19an, ostirala, datorren irailaren 9rako kopuru hori lortzeko asmoz. Orain arte 50.000 bat dolar (40.800 bat euro) bereganatu du. Wikimedia fundazioak zabaldutako informazioaren arabera, entziklopedia berak eta horrekin lotutako zerbitzu guztiek izandako arrakastak behartu du norbanakoen dirulaguntza eskatzera. Izan ere, emandako zerbitzu guztiak doakoak dira eta webguneetan publizitaterik ez jartzeko politika jarraitzen du Wikimedia fundazioak.
Wikipedia 2001eko urtarrilaren 15ean sortu zen eta "Copyright" askearen bidez dabil, GNU lizentziak erabiliz. Dagoeneko 1.800.000 artikulu baino gehiago daude 179 hizkuntzatan eta haietatik heren bat (696.634 artikulu) ingelesez dago. Euskara 49. hizkuntza da, idatzitako artikuluen kopuruari erreparatuta, Galesera eta Islandiera artean, 3.241 artikuluekin.

Gaiaren inguruko berriak:

Wikimedia needs your help (ingelesez)

Wikimédia a besoin de votre aide (frantsesez)

Wikimedia necesita de tu ayuda (gazteleraz)
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun