Ricardo Maguregi Venezuelan Agirreren gobernuko ordezkaria izan zena hil da

Erabiltzailearen aurpegia Ukberri 2005ko abu. 23a, 20:16
Ricardo Maguregi algortarra, Jose Antonio Agirre EAEko lehenengo lehendakariaren agintaldian Venezuelan erbesteko Eusko Jaurlaritzaren ordezkaria izan zena hil zen joan den astean Caracasen, 90 urte zituela. Euzko Alderdi Jeltzaleak gaur bere webgunean zabaldutako informazioaren arabera, Maguregik, Agirreren adiskide mina zena, Venezuelako Ontzigintza Eskola sortu zuen euskal ontziteriako beste kapitain batzuekin batera eta lan hori saritzeko, Rafael Caldera Venezuelako presidenteak domina eman zion.
Maguregik Jose Maria Garateren lekukoa hartu zuen Venezuelan eta bertan ordezkaria izan zen denboran erbesteko Eusko Jaurlaritza eusteko dirua biltzen lan eskerga egin zuen. Bestalde, Ricardo Maguregi ontzi-enpresa handi baten burua ere izan zen Caracasen, eta EAJk gaur argitaratutakoaren arabera "ospe ona izan zuen Venezuelara heltzen ziren euskal itsasgizon guztiei laguntzeagatik". Irudian, Agirre lehendakaria (Argazkia: Sabino Arana Kultur Elkargoa).
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun