Abuztuaren 26a, barikua: herri bazkaria
Apuntatzeko orria herriko tabernan egongo da. Gure bazkari goxoa prestatzen animatuz gero, goizeko 10:00etan Gautxorin geldituko gara. Iluntzean 20:00ak aldera txosnetan Larrain dantza egiteko aukera izango dugu.
Abuztuaren 27a, zapatua: bertso-saioa
Iluntzeko 20:30etatik aurrera Irailaren 23a, plazan bertso saio mundiala izango dugu: Jon Maia, Estitxu Arozena, Joxe Agirre eta Etxahun Lekue; hauei gaiak jartzen Xabier Paia arituko da. Ahal baduzue, ez galdu 18:00etatik aurrera plazan bertan izango den Euskal Herriko kiliki eta buruhandien konzentrazioa.
Abuztuaren 28a, domeka: “San Agustin”
Arratsaldeko 17:00etatik aurrera Ategorritik goitibera andana jaitsiko da. Hau bukatuta, 20:00ak inguruan txosnetan larrain dantza izango dugu.
Abuztuaren 29a, astelehena: azken eguna
Eguerdiko 12:30ak aldera, kiroldegi ondoko plazan ur gerra maitagarriak freskatuko gaitu. Arratsaldean jaiak bukatu baino lehen (20:00etan gutxi gorabehera) txosnetan parrillada galanta izango dugu.
Jantzi urdin eta zuriz, eta parte hartu jaietan, ahaztu barik euskara ere momentu orotan plazaratu behar dugula.
Gora San Agustin Jaiak!
San Agustin jai euskaldunak gozatzeko egitaraua osatu du Berbotsek
2005ko abu. 25a, 20:15
Uda bor-bor dagoela, hona hemen Erandioko San Agustin jaiak (abuztuaren 25ean, eguena, hasita, abuztuaren 29an, astelehena, amaituta); aurten ere, euskaltzaleen partehartzea ezinbestekoa izango da gure herria gero eta euskaldunago egiteko. Hauxe duzue proposatzen dizuegun plana: abuztuaren 25ean, eguena, Berbots-bazkaria. “La plaza” tabernako arkupean egingo dugu beti lez; bertan apuntatzeko zerrenda izango da: hantxe ere, goizeko 11:00etan gelditu gara den-dena prestatzeko. Ahaztu barik 13:00etan plazan txupinazoa izango dela. Arratsaldean, “La Plaza” tabernan 20:00etan hasita, tabernaz-taberna herri osoan Kantagunea ibiliko da.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun