"Hotel Rwanda" 2005eko Oscar sarietan hiru aipamen jaso zituen gizonezko aktore, emakumezko aktore-multzokidea eta jatorrizko gidoirik onenen ataletan. Filmea Rwandan kokatzen da, 1994an, Tutsi eta Hutu etnietako 800.000 biztanle ehun egunetan hil zituzten Rwandako gerran. Denbora horretan, Paul Rusesabagina Kigaliko hotel baten gerenteak 1.200 pertsonen bizitza askatu zituen genozidiotik, hotelean bere familia eta langileekin batera hartuz eta miliziak erosiz. Filmak, "Schindler's List" arrakastatsuarekin hainbat paralelotasun izan arren, ez zuen produkziorako dirua erraz lortu, izan ere luzemetraiak hiru "arazo" zituen: aktore nagusia beltza zen, Afrikan girotuta zegoen eta genozidio bati buruz hitz egiten zuen.
Brasilgo favelak
"Cidade de Deus" Brasilgo luzemetraiak Rio de Janeiroko auzo baztertu baten istorioak kontatzen dizkigu hogei bat urteren zehar. Bertan, mutikoek futbolean aritzen dira, baina hortik aurrera gutxi izango dira drogan, lapurretan edota hilketetan sartuta amaitzen ez direnak. Historia Buscape gaztearen ikuspegitik kontatzen zaigu eta bere argazki-kameratik ikusten dugu krimena gero eta krudelagoa dela kriminalak gero eta gazteagoak diren bitartean. Filmea, hala ere, anka motz gelditzen da batzutan, agian banaketa egin zuen Disneyk bultzatuta. Filma benetako gertakizunetan oinarrituta dago.
Algortako Gazte Asanbladaren ekimenez eta astero bururutzen duten zinema herrikoia kultur jardueraren barruan, gaur, asteartea, "Hotel Rwanda" izeneko filma egongo da ikusgai 22:00etatik aurrera Algortako San Nikolas plazan. Era berean, eta Itzubaltzeta / Erromoko Gazte Enbata konpartsak antolatuta, bihar 22:00etan "Ciudad de Dios" (Cidade de Deus) luzemetraia proiektatuko dute Itzubaltzeta gaztetxean. Leku berean, baina ostiralean 19:00etan, Gazte Enbatak konpartseroen batzarra burutuko du. Argazkian, Algortako Gazte Asanbladak egindako zinema emanaldi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun