Ekaina eta uztailean zehar Algortako Basagoiti etorbideko Satistegi kafetegian ikusteko aukera egon da skateboardinga gaitzat hartuz Carlos Terreros Uribe Kostan (UK aldizkariaren eremuan) ateratako argazkiak. Hain zuzen ere, bertan egin zen erakusketaren aurkezpena ekainaren 1ean. Modu batean, kirol honek azken urteotan izan duen bilakera ere erakusten du, UKtik jakinarazi dutenez. "Argazkietako protagonistak eskualdeko skater enblematikoak dira, euretako batzuk gainera gaur egun profesionalak dira. Gogoratu behar da Getxo eta inguruko herriak skatearen harrobi handia izan direla", diote Uribe Kostako aldizkariko arduradunek.
Gaiaren inguruko berriak:
Uztailaren 18ra arte egongo da ikusgai Satistegin SK8UKN erakusketa (2005 Eka 01)
Skate argazkien erakusketa aurkeztuko du bihar UK aldizkariak (2005 Mai 31)
Irailaren 10era arte Sopelan egongo da ikusgai "Skate Uribe Kostan" argazki erakusketa
2005ko abu. 31a, 20:52
Abendura bitartean, Uribe Kostako herrietan barrena ibiliko da UK Uribe Kostako Aldizkariak ekoiztutako "SK8UKN, Skate Uribe Kostan" erakusketa fotografikoa. Bada, Sopelako udaletxean izango du kokaleku, irailaren 1etik 10era. Ondoren, Urduliz (irailaren 19tik urriaren 2ra), Gorliz (urriaren 3tik 16ra) eta Plentziako (urriaren 17tik 30era) kultur etxeetan; Leioako Kultur Leioa aretoan (azaroaren 7tik 20ra) eta Erandioko udaletxean egongo da ikusgai Carlos Terrerosek egindako 18 argazkiek. (Irudian, Borja Saez skaterrari Erandion ateratako argazkia / Egilea: © Carlos Terrero).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun