Joan den maiatzean Gorlizko hainbat etxebizitzatan lapurretak izan ziren. Lapurra normalean gauez sartzen zen hutsik zeuden etxeetan, nahiz eta, noiz edo noiz etxeko jabea barruan aurkitu eta korrika atera behar izan bazuen ere.
Plentziako ikerketa
Ertzaintzak salaketa bat jaso zuen Plentzian uda pasatzeko etxe batean lapurrak indarrez sartu ondoren. Etxean kanpoko norbait zegoela ohartu zen etxeko garbitzailea nagusiarenak ez ziren hainbat objektu, jantzi eta jaki ikusi zituelako. Jabeei jakinarazi ondoren, hauek salaketa jarri zuten Ertzaintzaren egoitzan eta beraienak ez ziren gauza guztiak eman zizkieten.
Orduan, Ertzaintzak baieztatu zuen objektu haiek Gorlizko etxeetan izandako lapurretetan desagertutakoak zirela eta jakiak, berriz, jatetxean ostutakoak.
Salaketa horien ondoren Ertzaintzak ikerketa bat jarri zuen martxan lapurra nor zen jakiteko eta, azkenik, atzo atxilotu zuten Bilbon gazte bat, Gorteak kalean, bere behin-behineko etxebizitzan.
Gorlizko zortzi etxetan eta jatetxe batean lapurtu zuena atxilotu duela dio Ertzaintzak
Ertzaintzak 29 urteko gazte bat atxilotu zuen herenegun goizean Bilbo Zaharrean, Gorlizko zortzi etxebizitzatan eta taberna batean maiatzean izandako lapurretetan zerikusia duelakoan. Herrizaingo Sailak prentsa oharrez adierazi duenez, atea indarrez ireki ostean atxilotua egun batzuetan uda pasatzeko etxe batean bizi izan zen eta bertan gorde zituen ostutako hainbat gauza. Plentziatik jasotako salaketa batetik lortu omen zuten informazio hori.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun