Getxoko DYAk datorren azaroaren 5ean beteko ditu 15 urte, eta ospakizunekin hasi da dagoeneko. Gaur bere anbulantzia mota guztiak, ezindu fisikoentzako garraioa, bizikletak, arreta intentsiboko unitate higikorra, salbamendu-ontzia eta sortu zeneko autoak erakusten ari da ate irekiko jardunaldietan Algortan. Erakusketa bitxi hori Getxo Antzokiko eta San Nikolas plazetan egongo da eguerdiko 14:30ak arte. Azalpenak emateko, zalantzak argitzeko, hamaika bitxikeri kontatzeko eta DYAk egiten duen lana komentatzeko 18 bolondres daude bi plaza horietan. Argazkian, gizon batek DYAko anbulantzia zaharrenetariko bat behatzen.
Ofizialki 1990eko azaroaren 5ean sortu bazen ere, Getxoko DYA bazeraman urte bat lanean delegazioa sortu baino lehen. Juanjo Bidea sorreraren eta ondorengo lanaren arduraduna izan da orain dela gutxira arte, aurten Javier Ardanazi lekukoa pasatu arte, alegia. Bideak bost pertsonekin sortu zuen elkartearen Getxoko atala eta gaur egun 60 dira bertan laguntzen duten bolondresak, nahiz eta elkarteak une hobeak izan dituen, 120 bat bolondres ere izan baitzituzten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun