Bilbotar bi atxilotu ditu Ertzaintzak Plentziako txalet batean lapurtzen ari zirelakoan

Erabiltzailearen aurpegia
Ertzaintzak 30 urteko K.B. eta 36 urteko R.A. bilbotarrak atxilotu zituen ostiralean, arratsaldeko 14:00etan, Plentziako txalet baten barruan, bertan lapurtzen zihardutelakoan. Ertzaintzaren prentsa oharraren arabera, Plentziako auzokide batek deitu zuen ezezagun batzuk aipatutako txaletean zeudela esanez, eta ertzainak heldu zirenean egongelako leiho-atea apurtuta aurkitu zuten. Ondoren, etxebizitzaren barruan bi gizonak topatu zituzten. Ertzaintzaren esanetan "etxebizitza arakatua izan zenaren aztarnak zeudenez" aurrekari penalak dituzten susmagarri biak atxilotu zituzten poliziek.