"Zirgariak"; herri antzerki elebidunean 170 pertsona parte hartuko dute: Berantzagi Areetako dantza taldea, Ondarreta abesbatza, Getxoko Antzerki Eskola, Itzubaltzeta / Erromoko otxotea, Itzubaltzetako Zasi Eskola dantza taldea, Algortako Bertsolari Eskola eta Jentilak kultur elkartekoak zein norbanakoak.
Ekitaldia 19:30etan hasiko da Txurrukako kaian. Bertan itsasontzia zirgatuko dute eta Mari langileak istripua izango du, lankideen greba eragiten. Ondoren, langileek kalejiran eramango dute zaurituta dagoen Mari bere etxera (Xake plaza) eramateko. Bertan antzezlanaren hirugarren atala izango da, eta kazetari aurrerakoien eta enpresarien jarrera sexistaren lekukoak izango gara.
Irailaren 11n, igandea, Areetako Txurrukako kaian eta Xake plazan antzeztuko den "Zirgariak"; lanaren hirugarren edizioa prestatzeko entseguak hasi ziren atzo Berantzagi Dantza Taldeak Areetan daukan aretoan. Dantza, antzerkia, abesbatzak eta bertsoak biltzen dituen ikuskizunaren aurrelanak astean zehar jarraituko dira egunero 19:30ean leku berean. Aurten, 1879ko martxoaren 14ean itsasontziak Areetako kaira eramateko sokatik tiraka istripua izan zuen Mari zirgalariaren historiak hainbat berritasun izango du, adibidez Algortako Bertsolari Eskolaren (ALBE) parte hartzea, garaiko 15 soineko berrien erosketa, mareek eraginda antzezlanak dituen hiru atalak arratsaldez izatea eta ekitaldia aste bat aurreratzea, Habaneren jaialdiak duen azpiegituraz baliatu ahal izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun